"მზადება მიმდინარეობს, ჩვენ ძალიან მჭიდროდ ვთანამშრომლობთ გერმანელებთან Patriot-ის გადაცემაზე, - თქვა გენერალ-ლეიტენანტმა გრინკევიჩმა, აშშ-ის ევროპული სარდლობის მეთაურმა და ნატოს მოკავშირეთა უმაღლესმა მეთაურმა ევროპაში და დასძინა - დავალებული მაქვს, რაც შეიძლება სწრაფად ვიმოქმედოთ".
აშშ-ის პრეზიდენტი დონალდ ტრამპი უკრაინაში მოსკოვის მიერ წარმოებულ ომთან მიმართებით მიმდინარე კვირაში გამოვიდა გამკაცრებული პოზიციით და განაცხადა, რომ კიევს დამატებით შეიარაღებას მიაწოდებენ.
სააგენტო Reuters-ი წყაროზე დაყრდნობით ამბობს, რომ კიევში შესაძლოა უკვე მომავალი კვირის ოთხშაბათს გაიმართოს Patriot-ის ტიპის სისტემების მქონე ქვეყნების კონფერენცია, რომელსაც გრინკევიჩი უხელმძღვანელებს და რომლის მიზანიც იქნება კიევისთვის დამატებითი სისტემების გამოყოფა.
Patriot-ის რაკეტების გამოყენება შესაძლებელია მტრის საჰაერო ხომალდების, ბალისტიკური რაკეტებისა და ფრთოსანი რაკეტების გადატაცების მიზნით. სამიზნეზე დარტყმა შესაძლებელია 100-მდე კილომეტრის დისტანციიდან, 30-მდე კილომეტრის ამპლიტუდით. მობილური გამშვები სისტემა ჰგავს დიდ სატვირთო მანქანას და შეიცავს ოთხამდე გამშვებ მოწყობილობას. აშშ-ის არმიის თანახმად, კონფიგურაციიდან გამომდინარე, 16-მდე რაკეტის გაშვებაა შესაძლებელი.
ასევე ნახეთ ტრამპი: უკრაინისთვის Patriot-ები უკვე გაიგზავნა