„უპირობო ცეცხლის შეწყვეტას არ უნდა უძღოდეს წინ მოლაპარაკებები“, - განუცხადა მან ჟურნალისტებს პოლონეთის ქალაქ პჟემისლში კიევიდან საფრანგეთში დაბრუნებისას.
"პუტინი ეძებს გამოსავალს, მაგრამ სურს დროის მოგება“, - დასძინა მაკრონმა.
ასევე ნახეთ პუტინი უკრაინას პირდაპირი მოლაპარაკებების განახლებას სთავაზობს10 მაისს ემანუელ მაკრონი იმყოფებოდა „მსურველთა კოალიციის“ სამიტზე კიევში, სადაც ევროპელმა ლიდერებმა უკრაინის პრეზიდენტთან ერთად მოსკოვისგან 12 მაისიდან 30 დღით უპირობო და სრულ ცეცხლის შეწყვეტაზე თანხმობა მოითხოვეს.
ასევე ნახეთ ზელენსკი: მოვითხოვთ, რუსეთი დათანხმდეს სრულ და უპირობო ცეცხლის შეწყვეტას 12 მაისიდან„მსურველთა კოალიცია“, რომლის შეხვედრაც უკრაინის დედაქალაქში 10 მაისს გაიმართა, უკრაინის მხარდამჭერი ქვეყნების არაფორმალური გაერთიანებაა, რომლის წევრი სახელმწიფოებიც მზად არიან, გადამწყვეტი ნაბიჯები გადადგან რუსეთის აგრესიის წინააღმდეგ, განსაკუთრებით უკრაინისთვის სამხედრო დახმარებითა და უსაფრთხოების გარანტიებით უზრუნველყოფის მიმართულებით.