ანრი ოხანაშვილი: სახელმწიფოს ჩარევა იყო ადეკვატური

„მმართველი გუნდია ნომერ პირველი ძალა, რომელიც ამ ოჯახების გვერდით იდგება ბოლომდე, რათა აღსრულდეს სამართალი“, - ამბობს „ქართული ოცნების“ დეპუტატი, საპარლამენტო საგამოძიებო კომისიის თავმჯდომარის მოადგილე ანრი ოხანაშვილი რადიო თავისუფლებასთან საუბარში. მისი შეფასებით, თბილისში მიმდინარე საპროტესტო აქციის დროს რუსთაველის გამზირზე, გზის სავალ ნაწილზე განთავსებული კარვები ვერ ექცეოდა შეკრებისა და მანიფესტაციის შესახებ კანონის ფარგლებში, შესაბამისად, სახელმწიფოს ჩარევა იყო ადეკვატური.