სინათლე უშუქო სოფლებში 25 წლის შემდეგ

25 წლის შემდეგ საქართველოს ოთხ უშუქო სოფელში განათდა. ამ ხნის განმავლობაში ზოგან შუქი საერთოდ არ ჰქონდათ, ზოგან ელექტროენერგიის ძაბვა ისეთი დაბალი იყო, რომ მოსახლეობა საოჯახო ტექნიკის ჩართვას ვერ ახერხებდა. 9 ივლისს ამ სოფლებიდან ერთ-ერთში, შატილში, განახლებული მცირე ჰესისა და რეაბილიტირებული ადგილობრივი გამანაწილებელი ქსელის პრეზენტაცია მოეწყო. შატილშივე, პირველად ამ წლების განმავლობაში, სკოლის შენობაში გათბობა დამონტაჟდა, სკოლა-პანსიონის ბავშვებისა და პედაგოგებისათვის კი განახლებად ენერგიის წყაროზე - მზის ბატარეებზე -მომუშავე აბანო ააშენეს. ეს ყველაფერი გაკეთდა USAID-ის მიერ მხარდაჭერილი პროექტ „ნათელის“ ფარგლებში, რომელიც ორგანიზაცია Winrock International Georgia-მ განახორციელა.