17 ნოემბერს ჩეხეთსა და სლოვაკეთში „ხავერდოვან რევოლუციად“ წოდებული მოვლენების 25-ე წლისთავს აღნიშნავენ. ბერლინის კედლის დანგრევიდან მეცხრე დღეს პრაღაში ძალის გამოყენებით დაშალეს სტუდენტთა მშვიდობიანი დემონსტრაცია კომუნისტური რეჟიმის წინააღმდეგ. მეორე დღეს გაიფიცნენ პრაღის თეატრების თანამშრომლები, ხოლო სტუდენტებმა ქალაქის უმაღლესი სასწავლებლების კამპუსები დაიკავეს. რამდენიმე დღის შემდეგ დემონსტრანტთა რიცხვი უკვე ასიათასობით განიზომებოდა, ხოლო თვის ბოლოს ჩეხოსლოვაკიის კომუნისტი ლიდერები თავისუფალი არჩევნების ჩატარებას დათანხმდნენ. დეკემბერში მოწყობილ არჩევნებში გაიმარჯვა დისიდენტმა დრამატურგმა ვაცლავ ჰაველმა, რითაც დაიწყო დემოკრატიის აღდგენის პროცესი.
1989 - ხავერდოვანი რევოლუცია
11
საბჭოთა დიქტატორის, იოსებ სტალინის ბიუსტი წარწერით "არაფერია სამუდამო". სურათი გადაღებულია პრაღის ვაცლავის მოედანზე 1989 წლის 27 ნოემბერს, საპროტესტო დემონსტრაციების მეათე და საყოველთაო გაფიცვის პირველ დღეს.
12
ოპოზიციურ ჯგუფ "სამოქალაქო ფორუმის" ლიდერებმა თავიანთ შტაბბინად პრაღის ერთ-ერთი თეატრი აირჩიეს (მარჯვნიდან მეორე ვაცლავ ჰაველია).
13
დემონსტრაციები პრაღაში მას შემდეგაც გრძელდებოდა, რაც ჩეხოსლოვაკიის კომუნისტმა მმართველებმა უკან დაიხიეს და დათანხმდნენ თავისუფალი არჩევნების ჩატარებაზე. 1989 წლის 19 დეკემბერს, პრაღის ცენტრში გადაღებულ ამ სურათზე ერთ-ერთ დემონსტრანტს უჭირავს ტრანსპარანტი წარწერით: "ჰაველი ჰრადზე". იმ დროს ეს მეტად პოპულარული სლოგანი იყო და გამოხატავდა მოსახლეობის დიდი ნაწილის სურვილს, ქვეყნის პრეზიდენტი ვაცლავ ჰაველი გამხდარიყო (პრეზიდენტის რეზიდენცია სწორედ პრაღის ჰრადზე - სხვაგვარად პრაღის კრემლში - მდებარეობს).
14
1989 წლის 29 დეკემბერი. ჩეხოსლოვაკიის ახალ პრეზიდენტად არჩეული ვაცლავ ჰაველი თავისი რეზიდენციის აივნიდან ესალმება თანამემამულეებს (გვერდით ცოლი, ოლგა ჰავლოვა უდგას).
15
1989 წლის 31 დეკემბერი. პრაღელები შამპანურის გახსნით აღნიშნავენ ახალი წლის მოახლოებას და... ახალ დემოკრატიას.
