4 ოქტომბრის მოვლენების დროს დაშავდა რამდენიმე ათეული ადამიანი - პოლიციელები, დემონსტრანტები, ჟურნალისტები. დიდ ნაწილს დახმარება ადგილზე გაუწიეს, ნაწილი კლინიკაში მოხვდა.
ოფიციალური ინფორმაციით, 5 ოქტომბრის მდგომარეობით, კლინიკაში“ მკურნალობას განაგრძობს 2 პოლიციელი, მათგან ერთი პაციენტის მდგომარეობა, კლინიკაში შეყვანისას, საკმაოდ მძიმე იყო, თუმცა ექიმებმა 5 ოქტომბერს, დილის საათებში უკვე დამაკმაყოფილებლად შეაფასეს.
ევროკავშირის ლიდერები 4 ოქტომბრის არჩევნებისა და იმავე დღეს განვითარებული მოვლენების შემდეგ განცხადებას ავრცელებენ - მოუწოდებენ ხელისუფლებას მოქალაქეთა შეკრებისა და გამოხატვის თავისუფლების უფლების დაცვისკენ, ამავე დროს მოუწოდებენ „ყველა მხარეს, თავი შეიკავონ ძალადობისგან“.
5 ოქტომბრის საღამოს ევროკავშირის საგარეო ქმედებათა სამსახურმა გაავრცელა განცხადება, რომელიც ეკუთვნით ევროკავშირის უმაღლეს წარმომადგენელს, ევროკომისიის ვიცე-პრეზიდენტ კაია კალასსა და გაფართოების საკითხებში ევროკავშირის კომისარ მარტა კოსს.
პაპუაშვილის თქმით, არსებობს ჯგუფი, რომელსაც საქართველოს მიმართ მავნე ინტერესები აქვს და, რომელიც ცდილობს ქვეყნის არევას და პაიკად გამოყენებას.
უპირატესად “ქართული ოცნების” წარმომადგენლებით დაკომპლექტებული საარჩევნო კოლეგიის მიერ არჩეულმა პრეზიდენტმა 5 ოქტომბერს მოუწოდა სახელმწიფო ინსტიტუტებს, განსაკუთრებული სიმკაცრე გამოიჩინონ მათ მიმართ, ვინც ხალხს დამხობისა და ძალადობისკენ მოუწოდებს.
ფორუმი