ახალი მტკიცებულებების საქმეზე დართვის შემდეგ ომარ ფურცელაძე შუამდგომლობას აყენებს და ჯანო არჩაიასა და გურამ მირცხულავას შემთხვევაში აღკვეთის ღონისძიების გადახედვას მოითხოვს.
მოსამართლე აჩერებს და ინტერესდება, იწყებს თუ არა დაცვის მხარე მტკიცებულებების გამოკვლევას. როგორც ჩანს, ადვოკატებს დღეს მოწმე არ ჰყავთ მოყვანილები.
ბექა ხოხობაშვილი მიმართავს მოსამართლეს, ჯერ შუამდგომლობა გვაქვს და გაჭიანურებაში ნუ გვადანაშაულებთო.
ანდრო ჭიჭინაძის ადვოკატი, ნათია კორკოტაძე პასუხობს, ერთი დღე გვქონდა შუალედი და ერთი დღე მოწმეების მოსაყვანად შუა ზაფხულში რთულიაო. არ ეთანხმება მოსამართლე.
მოსამართლე აზუსტებს ადვოკატებთან - ანუ დღეს მხოლოდ აღკვეთის ღონისძიებაზე მსჯელობთო?. ადვოკატები აპროტესტებენ, არასწორ ინტერპრეტაცია ახდენთო.
ომარ ფურცელაძე ამბობს, რომ მოწმეებს თუ არ დაკითხავებ, წერილობითი მტკიცებულებების გამოკვლევა შეუძლიათ. თავის მოწმეს კი, რომელიც ექსპერტია 6 აგვისტოს მოიყვანს.
„კარგი მაშინ წერილობითი მტკიცებულებების გამოვიკვლიოთ", - ამბობს მოსამართლე ნინო გალუსტაშვილი.
კითხვას იწყებს ადვოკატი, ომარ ფურცელაძე. პროკურორების რეპლიკაა, რომ თანახმანი არიან მტკიცებულებების ნუსხა ჩაიკითხოს და შინაარსში არ შევიდეს. ომარ ფურცელაძე კითხვას იწყებს.
15-წუთიანი შესვენება გამოცხადდა, რადგან ერთ-ერთ სახაზინო ადვოკატს სხვა პროცესი აქვს. სხდომაზე არაა გუჯა ავსაჯანიშვილი. რევაზ კიკნაძე გაძევებულია. შესაბამისად, პროცესი მის გარეშე ვერ გაგრძელდება. ველოდებით
ფორუმი