ადვოკატმა გიორგი ტაბატაძემ ნათია ძიძიგურის საქმეზე ორი მოწმის დაკითხვის შუამდგომლობა დააყენა, მოსამართლემ მხოლოდ ერთი მოწმის დაკითხვა დააკმაყოფილა. ადვოკატმა სამხრე კამერების ჩანაწერებიც მოითხოვა, რაზეც შსს-ს წარმომადგენელმა თქვა, რომ საქმის მასალებს ახლავს ოქმი, სადაც წერია, რომ "სამხრე კამერები პოლიციას გამორთული ჰქონდა".
შსს-ს იურისტების ტექსტი საქმეების უმრავლესობაზე იდენტურია: "აღნიშნული პირი არღვევდა წესრიგს და იგინებოდა უმისამართოდ".
ნათია ძიძიგურის თქმით, ის იდგა ტროტუარზე, დაინახა პოლიციის მანქანა, რა დროსაც პოლიცია მოქალაქეს აკავებდა. "მივედი და ვიკითხე რატომ აკავებდა. პოლიციელი იქცეოდა აგრესიულად და მოუწოდებდა სხვებს დავეკავებინე. მე არავისთვის შეურაცხყოფა არ მიმიყენებია და არც არავის მოუწოდებია რაიმე, რომელსაც არ დავემორჩილებოდი".
ადვოკატმა შსს-ს იურისტს ჰკითხა: რით ამტკიცებთ, რომ პოლიციას აგინებდა?
შსს: მოწმე პოლიციელის ნლანა ჩაკვეტაძის ჩვენებით.
ნათია ძიძიგური: ამ პოლიციელს მე არ დავუკავებივარ, სხვებმა დამაკავეს. შავებში ჩაცმული ნიღბიანი პირები იყვნენ. მას შევხვდი სამმართველოში მისვლის შემდეგ.
პოლიციელ ანა ჩაკვეტაძის ჩვენება: "აქციის მონაწილეებმა გადაკეტეს ჭავჭავაძისა და ვარაზისხევის კვეთა. დილის 7-ის მერე დაიწყო მოწოდება აქციის დაშლაზე, ასეც მოიქცნენ მაგრამ ასე 15-10 წუთში მოხდა მელიქიშვილის გამზირის პარალიზება, მათ შორის იყო ნათია ძიძიგური. ის ხელოვნურად კეტავდა გზას და ილანძღებოდა უშვერი სიტყვებით, პოლიციელების მიმართ არა, უმისამართო გინებას ჰქონდა ადგილი.
უშუალოდ ჩემი ინიციატივით მოხდა დაკავება, მე ხელი არ მომიკიდია დაკავებულისთვის, ამას დამიდასტურებენ სხვა ჩემი თანამშრომლები.
გზის სავალ ნაწილზე დავაკავეთ, 8 საათის შემდეგ".
ნათია ძიძიგური ამბობს, რომ პოლიციელის ჩვენება სიმართლეს არ შეესაბამება. ის ფაქტობრივ შეცდომებს უშვებს, დაკავების ადგილზე, დროსა და ვითარებაზე.
ადვოკატის და პოლიციელის კითხვა-პასუხი:
- კონკრეტულად რა გააკეთა ნათიამ?
- ასე კონკრეტული მოქმედება არ მახსოვს.
- რას იძახდა?
- არ მახსოვს
- აბა რისთვის შეუდგინეთ ოქმი?
ფორუმი