სპეციალური საგამოძიებო სამსახურის ინფორმაციით, ნოემბერ-დეკემბრის აქციებზე სამართალდამცავების მიერ სამსახურებრივი უფლებამოსილების ძალადობით გადამეტებისა და ჟურნალისტების პროფესიულ საქმიანობაში უკანონო ხელშეშლის ფაქტებზე 319 განცხადებაა შესული.
გამოძიება დაწყებულია სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით და 154-ე მუხლის მე-2 ნაწილით.
უწყება ირწმუნება, რომ გამოძიება აქტიურ რეჟიმში მიმდინარეობს.
უკრაინის პრეზიდენტმა ვოლოდიმირ ზელენსკიმ ხელი მოაწერა „ქართული ოცნების“ საპატიო თავმჯდომარის, ბიძინა ივანიშვილისა და მისი თანამოაზრეების წინააღმდეგ პერსონალური და ეკონომიკური სანქციების დაწესების ბრძანებას. ზელენსკის განცხადებით, სანქციები მიმართულია 19 პირის წინააღმდეგ, რომლებიც „საქართველოს პუტინს აბარებენ“ და რის გამოც ქვეყანაში საპროტესტო გამოსვლებია.
„ქართული ოცნების“ წევრზე, ალი ბაბაევზე თავდასხმის ბრალდებით დაკავებულ კოალიცია „ძლიერი საქართველოს“ ლიდერს, ალეკო ელისაშვილს სამ წლამდე პატიმრობა ემუქრება.
შინაგან საქმეთა სამინისტროს განცხადებით, შემთხვევა 2 დეკემბერს, კოსტავას ქუჩაზე, ერთ-ერთი აფთიაქის წინ მოხდა. ელისაშვილი პოლიციამ 4 დეკემბერს სასტუმრო „ქორთიარდ მარიოტთან“ დააკავა, სადაც პოლიტიკოსი ოპოზიციის ლიდერების შეკრებაზე იმყოფებოდა. „ქართული ოცნების“ პროპაგანდისტულმა მედიამ მალევე გაავრცელა ქუჩის სათვალთვალო კამერებიდან გადაღებული კადრები, რომლებზეც ელისაშვილისა და ბაბაევის დაპირისპირებაა ასახული.
ფორუმი