საპროტესტო აქციაზე შეკრებილებმა მრავალჟამიერი იმღერეს - მეოთხე დღეა საქართველოს ქალაქებში პროევროპული დემონსტრაციები ტარდება
ჩი იაპონიიდან აქციის მონაწილეებს წვნიანს უფასოდ ურიგებს
საქართველოს ყოფილი ელჩები სოლიდარობას უცხადებენ კოლეგებიდან მათ, რომლებმაც პროტესტის ნიშნად თანამდებობები დატოვეს, იზიარებენ საგარეო საქმეთა სამინისტროს მოქმედი თანამშრომლების 28 ნოემბერს გავრცელებულ ერთობლივ განცხადებას და მიესალმებიან საქართველოს ახალგაზრდა ელჩების მიმართვას, სადაც წერია, რომ ემიჯნებიან "ქართული ოცნების" მიერ მიღებულ გადაწყვეტილებას 2028 წლამდე ევროინტეგრაციის პროცესის შეჩერებასთან დაკავშირებით.
ტელეკომპანია რუსთავი 2 ავრცელებს ინფორმაციას, რომ აქციაზე დაშავდა არხის საინფორმაციო სამსახურის ჟურნალისტი თამთა ჩიტიშვილი.
„სამედიცინო დაწესებულებაში გადაიყვანეს. შესაძლოა, მას ქირურგიული ჩარევა დასჭირდეს. თამთა ჩიტიშვილს ფეხის არეში ჭრილობა აღენიშნება“, - წერს რუსთავი 2.
რა ვითარებაში დაშავდა ჟურნალისტი უცნობია. რადიო თავისუფლება არკვევს დეტალებს და ინფორმაციის შესაბამისად მასალა განახლდება.
ფორუმი