ირაკლი ჩიროვანი: "სამეგრელოს ტერიტორიაზე იზღუდება საზოგადოებრივი ტრანსპორტის გადაადგილება"
"სამეგრელოს რეგიონში საგანგებო მდგომარეობის ფარგლებში დაწესებული შეზღუდვების აღსრულება გამკაცრდა, მათ შორის იზღუდება საზოგადოებრივი ტრანსპორტის გადაადგილება" - ამის შესახებ საქართველოს პრემიერ-მინისტრის პრესსპიკერმა ირაკლი ჩიქოვანმა საგანგებო ბრიფინგზე განაცხადა.
ირაკლი ჩიქოვანის განმარტებით, ეს არის ერთადერთი დამატება საგანგებო მდგომარეობის ფარგლებში უკვე მოქმედ შეზღუდვებზე სხვა რეგიონებთან მიმართებით. „დადგება დამატებით ბლოკ-პოსტები რეგიონის, შესასვლელებში, გაძლიერებუი საპოლიციო ძალები, ანუ ეკიპაჟები მკაცრად გააკონტროლებენ საავტომობილო გადაადგილებას. მანქანების გადაადგილების კონტროლში იგულისხმება სოციალური დისტანციის დაცვით გადაადგილება, ანუ ერთ ავტომობილში დასაშვებია 3 ადამიანის ყოფნა - მძღოლი და 2 პირი, რომლებიც უკან უნდა ისხდნენ."
ამავდროულად, პოლიცია დაიწყებს პატრულირებას რათა გაკონტროლდეს ყველა ის წესი, რაც საგანგებო რეჟიმით არის გათვალისწინებული. საჯარო სივრცეში შეკრებები, სხვადასხვა ობიექტების მუშაობა და ა.შ
ჩიქოვანმა ხაზი გაუსვა იმას, რომ ეს არ არის სამეგრელოს რეგიონში კარანტინის გამოცხადება და არც კომენდანტის საათის დაწესება. მისი განმარტებით, მკაცრი კონტროლი მნიშვნელოვანი იმ პირობებში, რომ აფხაზეთის რეგიონში გართულებულია ეპიდემიოლოგიური ვითარება და ამასთანავე, გალში გამოცხადებულია ე.წ. კომენდანტის საათი.
ანდრია ჯაღმაიძე: თუ იქნება უფრო მკაცრი რეკომენდაციები, სინოდი იმსჯელებს
საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის თქმით, კორონავირუსთან დაკავშირებული რეკომენდაციები თითქმის ყველა ეკლესიაში სრულდება. დამატებითი შეზღუდვების განსახილველად კი სინოდის შეკრება გახდება საჭირო.
„გვითხრეს - 2 მეტრი დაიცავით (დისტანცია შიგნით) და გარეთ - 1,5 მეტრი... ნიშნულები გავაკეთეთ და თითქმის ყველა ტაძარში გაითვალისწინეს ეს. თუ რაიმე სხვა რეკომენდაციები იქნება, კიდევ უფრო მკაცრი, ისევ მღვდელმთავრები უნდა შეიკრიბონ და ითათბირონ ამაზე... სინოდის შეკრება არ არის ლიმიტირებული. შესაძლებელია, რომ განსაკუთრებული აუცილებლობის გამო კვლავ შეიკრიბოს სინოდი“, - განაცხადა 29 მარტს ანდრია ჯაღმაიძემ.
კორონავირუსის გავრცელების საფრთხის მიუხედავად, მორწმუნეებმა ზიარება ისევ საერთო კოვზით მიიღეს 29 მარტს.
„წმინდა ზიარება არის საკურნებელი სულისა და ხორცისა მათთვის, ვინც რწმენითა და საეკლესიო წესების დაცვით ეზიარება. ამიტომაც, ეკლესიის წევრებისათვის ზიარების საიდუმლოების არსში დაეჭვება და მოქმედებით ამის გამოხატვა, მაგალითად, საზიარებელ საერთო კოვზზე უარის თქმა, როგორც ინფექციის გადამტან წყაროზე, ყოვლად მიუღებელია“, - წერია სინოდის სხდომის 20 მარტის განჩინებაში.
ამ ეტაპზე საქართველოში კორონავირუსით ინფიცირების 90 შემთხვევაა დადასტურებული.
საქართველოში ლაბორატორიულად დადასტურდა COVID-19-ის კიდევ 6 შემთხვევა
საქართველოში 91-დან 97 -მდე გაიზარდა კორონავირუსით COVID-19-ით დაავადებულთა საერთო რიცხვი. მათგან 18 გამოჯანმრთელებულია.
განახლებული მონაცემები 30 მარტს, 10:30 საათისთვის გამოქვეყნდა სამთავრობო საიტზე stopcov.ge.
პირდაპირი: კორონავირუსის (COVID-19) ეპიდსიტუაციის შესახებ ბრიფინგი ინფექციურ საავადმყოფოსთან.