ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორის, თენგიზ ცერცვაძის განცხადებით, კორონავირუსით დაავადებულთა რიცხვი საქართველოში 33-მდე გაიზარდა.
სამივე მათგანი არის შუა ხნის. სამივე მათგანს რისკის ქვეყნებიდან ჩამოსულ ადამიანებთან ჰქონდათ კონტაქტი. თუმცა, ცერცვაძის განცხადებით, ამ ადამიანებს არანაირი კავშირი არა აქვთ იმ ჯგუფებთან, რომლებზეც აქამდე იყო საუბარი.
თენგიზ ცერცვაძის განცხადებით, დამაიმედებელია ის, რომ ეს არ არის ე.წ. მეოთხეული გადაცემა. ამ ადამიანებმა იციან, ვისთან ჰქონდათ კონტაქტი.
ამჟამად ლაბორატორიაში გაგზავნილია კიდევ 9 ადამიანის ანალიზები. პასუხი გვიან ღამით გახდება ცნობილი.
ამ დროისთვის მონაცემები სპეციალურ ვებსაიტზე stopcov.ge-ზე მითითებულია, რომ
- კორონავირუსის დადასტურებული შემთხვევა არის - 33
- კარანტინის რეჟიმში რჩება - 427 ადამიანი
- სტაციონარული მეთვალყურეობის ქვეშ - 73
ირანში COVID-19-ით გარდაცვლილთა რიცხვმა 600-ს გადააჭარბა, ასეთ ფონზე პანდემიის საკითხებში ოფიციალური წარმომადგენელი, რეზა ზალი აცხადებს, რომ ქვეყნის ჯანდაცვის სისტემამ შესაძლოა მალე ვეღარ გაუძლოს ზეწოლას.
ახალი კორონავირუსი და ვითარება ოკუპირებულ ტერიტორიებზე
არის თუ არა ოკუპირებული აფხაზეთის და ცხინვალის რეგიონში ახალი კორონავირუსის გამოვლენილი შემთხვევები? რას აკეთებს სახელმწიფო იქ მცხოვრები მოქალაქეების დასახმარებლად? - ეს კითხვები სულ უფრო ხშირად ისმის სოციალური ქსელებით. საქართველოს ხელისუფლებაცა და ჯანდაცვის სფეროს წარმომადგენლებიც დახმარების სურვილის შესახებ განცხადებებს აკეთებენ.
ინფორმაციული და მედიკამენტური დახმარება აფხაზეთის მიმართულებით
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, სახელმწიფო მზად არის, ოკუპირებულ ტერიტორიებზე მცხოვრებ მოსახლეობას დახმარება გაუწიოს.