ქალაქები ცარიელი მიკროავტობუსებით
დღეს პირველი დღეა, როცა საქართველოს ქალაქებში და სოფლებში მიკროავტობუსებით მგზავრების გადაყვანა აიკრძალა.
თბილისის ყველაზე დიდი, დიდუბის მეტროსადგურიდან დღეს საქალაქთაშორისო მიკროავტობუსებმა ბოლო მგზავრები მაინც წაიყვანეს. რამდენიმე მძღოლი რადიო თავისუფლებას ეუბნება, რომ ხვალიდან ყველაფერი გაჩერდება.
ჟენევის საერთაშორისო დისკუსია ჩაიშალა
ჟენევის დისკუსიის მორიგი რაუნდი გაურკვეველი ვადით გადაიდო. ამის შესახებ განაცხადა დე ფაქტო რესპუბლიკის პრეზიდენტის სპეციალურმა წარმომადგენელმა პოსტკონფლიქტურ საკითხებში მურატ ჯიოევმა ადგილობრივ ტელევიზიისთვის მიცემულ ინტერვიუში. ჯიოევის თქმით დისკუსიის ჩაშლა ახალი კორონავირუსის საფრთხეს უკავშირდება.
ვირტუალური გაკვეთილი - ალუდა ქეთელაური
მაგიდასთან მხოლოდ მასწავლებელი ზის - წინ კომპიუტერი, გვერდით წიგნები. ცარიელია კლასი, ცარიელია სკოლა. ბავშვები მხოლოდ ეკრანზე ჩანან - ონლაინ გაკვეთილი იწყება. ამჯერად - ქართულის. დღეს ვაჟა ფშაველას „ალუდა ქეთელაურს“ იწყებენ. „მწვანე სკოლა“ ერთ-ერთია იმ სკოლებიდან, ვინც კორონავირუსის გავრცელების გამო იძულებით შეწყვეტილი სწავლის პირობებში დისტანციურ სწავლებაზე გადავიდა და პირველ ნაბიჯებს დგამს.